Бүгүн, 25-мартта Бишкек шаарынын айрым конуштарында ичүүчү суу убактылуу өчүрүлөт. Бул тууралуу «Бишкексууканал» ишканасы кабарлады.
Суу саат 09:00дөн 24:00гө чейин суу түтүктөрүн оңдоо иштерине байланыштуу өчүрүлөт.
Таза суу Куренкеев, Абдрахманов, Элебесов, Бельский көчөлөрү, Ала-Арча суусу, Жибек Жолу проспектиси, Жаш Гвардия көчөсү, ЧЧК, Саадаев көчөсү менен чектелген аймакта өчүрүлөт.
Ошондой эле «Красный Строитель», «Ак-Тилек», «Көлмө», «Алтын Бешик» жана «Салам Алик» конуштарында да суу жок болот.
«Бишкексууканал» ишканасы ыңгайсыздыктар үчүн кечирим сурап, тургундардан ичүүчү сууну алдын ала камдап алышын суранды.
