Быйыл Сауд Арабиянын борбору Эр-Рияддан Бишкекке түз аба каттам ачылат. Бул тууралуу Кыргызстандын Сауд Арабиядагы элчиси Улукбек Марипов фейсбук баракчасындагы түз эфирде билдирди.
Ал Сауд Арабиясынан келген туристтердин санын арттыруу үчүн түз аба каттамын ачуу керек деген ойдо.
«Араб өлкөлөрүнүн жарандары Кыргызстанга 60 күнгө визасыз келе алат. Бирок бүгүнкү күнү Эр-Рияддан Бишкекке түз аба каттам жок. Учурда аба каттамды ачуу маселеси чечилип калды. Быйылкы жылы түз аба каттам ачылат», — деди ал.
Анын пикири боюнча, түз аба каттамын ачуу эки өлкөнүн соода-экономикалык карым-катнашын арттырат.
Бардык жаңылыктар Телеграм каналда
