Керектөөчүлөрдүн укуктарын коргоо башкармалыгы чач узартуу боюнча курска нааразы болгон кардарга акчасын кайтарып алууга жардам берди. Бул тууралуу Монополияга каршы агенттик билдирди.
Жарандын айтымында, келишим боюнча курста бир айда 12 сабак өтүлмөк. Бирок адис 3 гана жолу окуткан. Андыктан кардар жөндүү эч нерсе үйрөнө албай калганын айтат.
Кыздын дооматына карабай, уюштуруучулар анын акчасын кайтарып берүүдөн баш тартышкан. Кардар Керектөөчүлөрдүн укуктарын коргоо боюнча башкармалыкка кайрылууга аргасыз болгон.
Аталган башкармалык кайрылуунун негизинде иш алып барып, кызга 35 миң сому кайтарылып берилген.
