Аламүдүн районунда алдамчылыкка шектелген жаран кармалды. Бул тууралуу облустук милициянын басма сөз кызматы билдирди.
Маалыматка караганда, Аламүдүн РИИБге арыз менен К.М. аттуу жаран кайрылып, К.Ж. аттуу жаран 22-сентябрда жасалма паспорт колдонуп башка бирөөгө тийешелүү болгон Кок-Жар айылында жайгашкан жер тилкесин 60 000 АКШ долларга баалап сатканын айтып, чара көрүүнү суранган.
Аталган факт Аламүдүн РИИБге Кылмыш-жаза кодексинин 209-беренеси (алдамчылык) менен катталып, кылмыш иши козголгон.
ИИМдин КИББнын кызматкерлеринин жүргүзүлгөн ыкчам иликтөө иш-чараларынын жүрүшүндө, кылмышка шектүү болгон 1972-жылы туулган Э.Ж. жаран ЖПКнын 96 беренесинин негизинде кармалып, убактылуу кармоочу жайына киргизилген. Учурда тергөө амалдары жүргүзүлүүдө.
Биздин Телеграм каналга катталыңыз
