Чүй облусунун Аламүдүн районуна караштуу Таш-Дөбө айылында мыйзамсыз иш алып барган эки медресе аныкталды. Чүй облустук милициясы билдирди.

Маалыматка ылайык, аталган диний окуу жайларында 10 окуучу жана бир нече окутуучу болгон.

Чүй ОИИББнин Экстремизме жана мыйзамсыз миграцияга каршы күрөшүү кызматы тарабынан жүргүзүлгөн текшерүүдө бул окуу жайлардын мыйзамдуу ишмердүүлүгүн тастыктаган тиешелүү уруксат берүүчү документтери жок экендиги аныкталган.

“Аталган факты боюнча алдын ала тергөө башталды. Анын жыйынтыгы боюнча  Жазык-процесстик кодексине ылайык процессуалдык чечим кабыл алынат”,- деп билдиришти милициядан.