Дары-дармектерди ыңгайлуу издөө жана текшерүү үчүн түзүлгөн “Дары-Дармек” мобилдик тиркемеси жакынкы арада ишке киргизилет. Бул тууралуу Саламаттык сактоо министрлиги билдирди.

Тиркеме аркылуу эмне кылууга болот?

• Дары-дармектерди реалдуу убакытта издөө: керектүү дары-дармек бар жакынкы дарыкананы табууга болот.
• Сапатты текшерүү: шайкештик сертификатына ылайык дары-дармектин аныктыгын текшере алышат.
• Бааны көзөмөлдөө: ашыкча төлөөдөн качуу үчүн белгиленген бааны билип алууга болот.
• Жеңилдетилген программалар: дары-дармектердин компенсациясынын суммасын текшерүү.
• Даттанууларды берүү: эгерде дарыканадагы баа жөнгө салынуучу дары-дармек каражаттарына белгиленген баадан жогору болсо, даттанууну квитанция менен жөнөтүүгө болот. Арыз автоматтык түрдө түзүлөт жана ыйгарым укуктуу органга жөнөтүлөт. Көрүлгөн чаралар тууралуу жооп аласыз.
• Дары-дармектердин терс таасирлерин тез арада жоюу үчүн билдирүү жөнөтүү.

“Эгерде дары каражаты тиркемеде жок болсо, ал анын каттоодон өтпөгөн же мыйзамсыз статусун көрсөтөт, бул жарандардын ден соолугун коргоого жардам берет”,- деп айтылат маалыматта.

Министрлик тиркеме учурда сыноо режиминде экенедигин жана дагы жаткандыгын билдирди.