Чүй облусунда апасын өлтүрүүгө шектелип уулу кармалды. Бул тууралуу облустук милициядан билдиришти.

Маалыматка караганда, 21-майда милицияга Искра айылында өз үйүндө киши колдуу болгон 68 жаштагы аялдын сөөгү табылганы тууралуу маалымат түшкөн.

Бул фактыгы байланыштуу Кылмыш-жаза кодексинин 122-беренеси боюнча (адам өлтүрүү) кылмыш иши козголуп, тиешелүү экспертизалар дайындалган.

Ыкчам-тергөө иштеринин натыйжасында шектүү катары маркумдун 46 жаштагы Ф.М. аттуу уулу кармалып, убактылуу кармоочу жайга камакка алынган.

Тергөө учурунда аныкталгандай, шектүү мас абалында апасын уруп, анын айынан ал көз жумган.

Тергөө уланууда.

Биздин Телеграм каналга катталыңыз