Чүй районунун Калыгул айылында жаңы мектеп пайдаланууга берилди. Бул тууралуу парламенттин басма сөз кызматы билдирди.

Маалыматка караганда, Тынымсейит Оңолбаев атындагы орто мектептин ачылышына арналган иш-чарага Жогорку Кеңештин төрагасынын орун басары Джамиля Исаева, Жогорку Кеңештин депутаты Медербек Саккараев жана  жергиликтүү бийликтин өкүлдөрү катышты.

Чүй районунун акими Жыргалбек Шакиев мектептин курулуш тарыхына учкай токтолуп, жаңы мектептин курулушу айылдыктар үчүн абдан кубанычтуу окуя болуп жатканын белгиледи.

Ачылыш аземдин алкагында салт болуп калган кызыл лента кесилип, расмий меймандар мектептин ичин кыдырып көрүп чыгышты. Мектеп заманбап спорт залы, ашканасы менен курулган.

Биздин Телеграм каналга катталыңыз