Чолпон-Ата шаарында ЕАЭБге мүчө мамлекеттердин өкмөт башчыларынын жыйыны жыйынтыкталды. Кеңешме 25-26-август күндөрү өттү.
Жыйындын жүрүшүндө ЕАЭБ алкагында кызматташуу маселелери, алдыдагы долбоорлор талкууланды. Анда Кыргызстан бир катар маселелерди, анын ичинде кыргызстандык мигранттардын маселесин көтөрдү.
Кеңешменин соңунда бир катар документтерге кол коюлду. Документтердин тизмеси кийинчерээк берилет.
ЕАЭБ өкмөт башчылары Евразиялык өкмөттөр аралык кеңешинин келерки жыйынын Арменияда 20-21-октябрда өткөрүүнү макулдашты.
Эскерте кетсек, ЕАЭБге Кыргызстан, Казакстан, Россия, Беларусь жана Армения мүчөлүк кылат.
Бардык жаңылыктар Телеграм каналда
