Бүгүн, 7- апрелде Абдылас Малдыбаев атындагы Кыргыз улуттук опера жана балет театрында Кыргыз Республикасынын эл артисти Сталбек Алмасбековду акыркы сапарга узатуу зыйнаты өттү.
Ага министрлер кабинетинин төрагасынын орун басары Эдил Байсалов, маданият, маалымат, спорт жана жаштар саясаты министри Алтынбек Максутов баштаган бийлик өкүлдөрү, Кыргыз Республикасынын эл артисттери Муратбек Бегалиев, Келдибек Ниязов, Тенти Мураталиев, Кыргыз Республикасынын эл жазуучусу Асан Жакшылыков өндүү маданият чөйрөсүндөгү көрүнүктүү инсандар жана театрда бирге иштешкен кесиптештери, туугандары катышты.
Маданият министри Алтынбек Максутов, Сталбек Алмасбековдун өзгөчө таланттуу инсан болгондугун баса белгилеп, “Ал ар бир ырын жүрөккө жеткире ырдап, калың элдин сүймөнчүлүгүнө айланган. Сталбек ага кыргыз элине гана таанымал эмес, дүйнө элине да таанылды. Чет өлкөгө гастролго көп чыкты. Эл аралык деңгээлде өткөн бир катар фестивалдарга катышты. Көптөгөн жаш ырчыларды окутуп, шакирттерди тарбиялады. Алардын айрымдары азыркы учурда эл аралык деңгээлдеги көрүнүктүү ырчылардан болушту. Ал өз өмүрүн татыктуу жашап, артында өчпөс из калтыра алды” деп, маркумдун жакындарына кайрат айтты.
Кыргыз Республикасынын эл артисти Сталбек Алмасбековдун үнү кооздугу жагынан бай жана кайталангыс тембрге ээ болгон. Ырчынын репертуарында ондогон ролдор болгон. Алардын арасында опералардагы башкы ролдору: Дж.Вердинин “Аида”, “Отелло” опералары «Кармен» ж.Бизе, П. Чайковскийдин “Пиковая дама”, Паяцы», Р. Деонкаваллонун, » Тоска», П. Масканьинин» Айыл ар-намысы»,» Чио-Чио-Сан»,» Джанни Скикки «Дж.»Манас»,» Айчүрөк»,» Токтогул «жана» Ажал ордуна «А.Малдыбаев, в. Власов, в. Фере, ошондой эле» Сепил » жана башкалар.
Вокалистке белкантонун кооз искусствосунда чыгармачылык идеалды тынымсыз издөө мүнөздүү болгон.
Сталбек Алмасбеков-көптөгөн эл аралык опера фестивалдарынын катышуучусу, КМШ өлкөлөрүндө жана алыскы чет өлкөлөрдө бир нече жолу гастролго чыккан. Активдүү концерттик жана гастролдук ишмердүүлүктү алып, кыргыздын вокалдык өнөрүн татыктуу көрсөтүп, көптөгөн чет элдик театрлар менен кызматташкан.
Кыргыз Республикасынын эл артисти Сталбек Алмасбековдун демилгеси менен Кыргыз опера жана балет театрында 2002-жылы «Дебют» жаш ырчылардын чыгармачылык лабораториясы түзүлгөн, анда коомдук башталышта анын жетекчилиги астында бир катар жаш ырчылар даярдалган, алар өз театр сахнасында, республиканын шаарларында жана мурдагы Советтер Союзунун мейкиндигинде Кыргыз опера искусствосун татыктуу көрсөтүп келишет.
Маркумдун сөөгү «Ала Арча» көрүстөнүнө коюлду.
Биздин Телеграм каналыбызга катталыңыз
