Кыргызстандагы жалпы электр энергиясынын 98%ын өндүргөн «Электр станциялары» ААКны жаңы башкы директор жетектеди. Бул Эркин Тавашаров болгонун аталган ишкананын басма сөз кызматы билдирди.

Тавашаров бул кызматта 2021-жылдын февраль айынан бери иштеп жаткан Талайбек Бектеновдун ордуна келди.

Эркин Тавашаровдун жогорку техникалык билими бар. ЖАГУнун инженердик факультетин, Брно техникалык университетин (Чехия), Малайзия университетин бүтүргөн.

Эмгек жолун 1999-жылы Токтогул ГЭСинде электрик болуп баштаган. “Электр станцияларына” дайындалганга чейин Энергетика министрлигинин алдындагы Энергетика, тоо-кен көзөмөлү жана өнөр жай коопсуздугу боюнча мамлекеттик инспекциясынын директору болуп иштеген.