Энергетика министрлиги электр энергиясы үчүн жаңы «чексиз» тарифин киргизет. Бул тууралуу бүгүн, 27-июлдагы маалымат жыйында энергетика министри Доскул Бекмурзаев билдирди.
Министрликтин демилгесине ылайык, бул тариф боюнча 1 кВт/саат электр энергиянын баасы 5,4 сом болот жана жарандар электр энергиясын чектөөлөрсүз колдоно алат. Бекмурзаевдин айтымында, бул тарифти киргизүү энергетика тармагына кошумча каражаттын түшүшүнө өбөлгө болот. Азыркы тапта бул маселе өкмөт башчынын кароосунда турат.
Министр белгилегендей, бул тарифке ар бир каалаган жаран кошула алат.
«Бул тарифке өтүүгө эч ким мажбурлабайт. Кышында үйүн көмүр менен эмес, электр энергиясы менен жылытууну калаган жарандар өтө алат», — деди ал.
Бардык жаңылыктар Телеграм каналда
