Доллар менен насыя алгандардын акчасы сомго которулуп, мындан ары сом менен төлөй башташат. Бул туурасында Экономика жана коммерция министри Данияр Амангелдиев Жогорку Кеңеште өкмөттүн антикризистик иш аракеттери туурасында маалымат берип жатып билдирди.
“Чет өлкөлүк валюталар менен берилген бюджеттик насыялар улуттук валютага бекитилет”- деп кыскача айтты.
Ушул тапта доллардун курсу 100 сомдон ашып, Кыргызстанда азык-түлүк продукциялардан тарта бардык товарларда кымбатчылык байкалууда. Буга чейин доллар менен насыя алган ишкерлер кредиттерин төлөй албай жатканын айтып чыгышкан.
