Бүгүн, 10-марттагы Жогорку Кеңештин жыйынында депутат Жылдыз Таалайбек кызы таза суу маселесин көтөрдү.
Эл өкүлү Кочкор районунда 10 айыл таза суусуз экенин билдирди.
«Кочкор районунда таза суу менен камсыз кылуу боюнча АРИСтин долбооруна 2022-жылдын планына төрт айыл гана киргизилип, сууга муктаж калган 10 айыл камтылбай калган. Тагыраагы, 11 миңден ашуун калк таза суусуз өмүр кечирүүдө. Андыктан Министрлер кабинети аталган маселени чечүүнү колго алып, керектүү каражатты бөлүп берүүсү кажет», – деди.
