Германиянын Mercedes-Benz автоунаа өндүрүүчүсү R, ML жана GL классындагы жол тандабастар менен минивендердеги мүмкүн болгон тормоздук көйгөйлөрдөн улам дүйнө жүзү боюнча миллионго жакын унаасын чакыртып алууда. Бул туурасында ЕвроНьюс сайты жазып чыкты.
Андагы маалыматтарга караганда, ишкана 2004-жылдан 2015-жылга чейин чыгарылган унааларга тиешелүү экенин жана тормоздук күчөткүчтүн коррозия коркунучунан ушундай кадамга барып жатканын билдирүүдө. Теориялык жактан алганда, бул тормоз педалында мүчүлүштүктөр жаралышы мүмкүн. Өндүрүүчү кайра чакыртып алынган унаалардын ээлеринен техникалык кароодон өткөнгө чейин колдонбоону суранат.
