Дээрлик бир айдан бери 17 жаштагы Жорокулова Акбермет изделүүдө. Бул тууралуу Чүй ОИИББинин басма сөз кызматы билдирди.
Маалыматка караганда, 26-февралда Жайыл райондук ички иштер бөлүмүнө дайынсыз жоголгон аялдын жакындары арыз менен кайрылган. Алар ошол эле күнү түшкү саат бирлер чамасында Кара-Балта шаарындагы үйүнөн чыгып кеткен бойдон кайтып келбеген Жорокулова Акберметти издөөгө көмөк көрсөтүүнү суранышты. Ошондон бери андан кабар жок.
Белгилери: бою 165-168 см, орто денелүү, чачы кара, көзү күрөң.
Кийген кийимдери: ак жакалуу кара куртка, капюшону бар кара фуфайка, кара шым, ак өтүк.
Милиция Акбермет Жорокулованын жүргөн жери тууралуу маалыматы бар жарандарды (03133) 3-51-84, 0312 22-15-58, 0701 20-31-02 телефондору аркылуу кабарлап коюуну өтүнөт.
Биздин Телеграм каналга катталыңыз
