7-сентябрдан 8-сентябрга караган түнү Индонезиянын Бантен провинциясында Тангеранга шаарындагы түзөтүү мекемесинде чоң өрт чыкты. Бул тууралуу чет элдик beritasatu.com басылмасы жазды.

Түзөтүү мекемелеринин башкы башкармалыгынын өкүлүнүн айтымында, өрт колониянын блокторунун биринде саат 01: 50дө башталган.

Каргашалуу окуянын натыйжасында, алдын ала маалыматтар боюнча, 41 адам каза болуп, 30дан ашык туткун жаракат алган, алардын сегизи оор абалда. Жабыркагандар Тангеран ооруканасына жеткирилген. Калган туткундар өрттөн жабыркабаган блокторго көчүрүлдү. Окуя тууралуу маалымат такталууда.