Баткен облусунун Кадамжай районунда бадам гүлдөй баштады. Бул тууралуу Көтөрмө айыл аймагынын тургуну Алтынбек Жумаматов билдиргенин жергиликтүү маалымат каражаттары жазып чыгышты.

«Биздин айылда майда мүйүздүү малдарды кезеги менен жайлоого айдайбыз. Бир күнү гүлдөп турган бадамдарды көрүп таң калдым. Негизинен бадам март айында гүлдөй баштайт. Быйыл биздин айыл аймакка кар аз жаап, жада калса чөп чыгып, бадам, бадал гүлдөп калды. Мындай ысыкты биринчи жолу көрүп жатам», – дейт айыл тургуну.