Кара-Көл шаарында ден соолугунан мүмкүнчүлүгү чектелген адам ур-токмоктун кесепетинен каза болду. Бул тууралуу Жалал-Абад облустук милициясынын басма сөз кызматы билдирди.
Маалыматка караганда, жабырлануучу оор абалда ооруканага түшкөн. Ал 29-июнда эсине келбей каза болгон. Териштирүүнүн жүрүшүндө ал белгисиз адам тарабынан сабалганы аныкталган.
Милиция тарабынан Кылмыш-жаза кодексинин 130-беренеси (Ден-соолукка оор залал келтирүү) боюнча кылмыш иши козголуп, учурда тиешелүү экспертизалар дайындалды.
Милиция кызматкерлери кылмышка шектүү адамды издеп жатышат.
