Кара-Суудагы No83 мектептин директору Умиджон Исаков жана дене тарбия мугалими 8-класстын окуучусу менен болгон чатактан кийин кызматтан кетишти. Бул тууралуу аймактык башкармалыктан билдиришти.
Окуя кечээ болгон. Дене тарбия сабагында 8-класстын окуучусу мугалимге буту ооруп машыга албай жатканын айткан. Анда мектептин дене тарбия мугалими жана штаттан тышкаркы директору окуучуну тээп, бутун сындырып алышкан.
Окуучунун ата-энеси милицияга арыз менен кайрылышкан.
Кара-Суу районунун ички иштер башкармалыгы иликтөө иштери башталганын белгиледи.
Соттун жүрүшүндө Умиджон Исаков баланы теппегенин, топту өткөрүп берип жатканда кокусунан тээп алганын айткан. Бирок окуяга күбө болгондор мугалим 8-класстын окуучусун атайылап тепкенин айтышууда.
