Каракол шаарынын мэриясы күйөөсү тарабынан токмок жеген Айзат Үсөнбаевага материалдык жардам көрсөтүүдөн баш тартты. Бул тууралуу укук коргоочу Камил Рузиев билдиргенин Kaktus.media жазды.
Анын айтымында, мэрия баш тартууну жабырлануучунун Жети-Өгүз районунда каттоодо турганы менен түшүндүргөн.
Азыр эки баласы бар майып аял кризистик борборлордун биринде.
«Убактылуу балдар менен бирге болууга шарт түзгөн кризистик борборго рахмат. Бирок ал турак жайга жана акчалай жардамга муктаж. Балдар мектепке барышы керек, жашаганга жери жок. Жардамга муктаж. Ооруканага жаткырылды, бирок бетинин оң жагы дагы эле айыккан жок, анткени күйөөсү аны бетке тепкилеген», — деди Рузиев.
