Коронавируска каршы республикалык ыкчам штаб өзүнүн телеграм каналы аркылуу, вирустун жеңил түрү менен ооруп жаткандар үчүн сунуштарын айтты.
Штабдын маалыматында, коронавирустун баштапкы жеңил түрү төмөндөгүдөй белгилер менен өтөт:
• Дене табы 38°C га чейин көтөрүлүшү (кээбир учурда көтөрүлбөйт);
• Алсыроо;
• Чарчоо;
• Тердөө;
• Дененин сынып оорушу же булчуңдардын оорусу;
• Баш оору;
• Тамактын ачышуусу;
• Жөтөл;
• Жыт жана даам сезбей калуу;
• Ич өтүү.
Эгерде жогорудагы белгилердин бирин же бир нечесин байкасыңыз, төмөндөгүлөр сунушталат;
• Төшөктө жатуу;
• Көп суусундук ичүү (компот, морс, чай жана шорполор) 1 кг дене өлчөмүнө 30 мл суусундук эсеби менен;
• Биринчи 5 күн абалыңызды байкаштырыңыз;
• Абалыңыз начарлап баратса 118ге чалыңыз же сиз катталган ооруканга кайрылыңыз;
Мындан тышкары төмөндөгү дарыларды дагы колдонсоңуз болот:
• Дене табынын 38°C ден жогорулап кетсе: Парацетамол 500 мг же Ибупрофен 200 мг (күнүнө 3 маалдан көп эмес жана 3 күндөн ашык эмес);
• Күнүнө төрт жолу көмкөрөңүздөн бир сааттан кем эмес убакыт жатуу дагы пайдалуу.
Мындан сырткары кошумча дарылоо дарыгердин көзөмөлү менен жүргүзүлүүсү керек.
