Казакстандын борбору Астана шаарында 9-14-апрелде спорттук күрөш боюнча (грек-рим, эркин жана кыз-келиндер күрөшү) Азия биринчилиги өтөт.
Аталган мелдешке Кыргызстандын атынан грек-рим менен эркин күрөштөн 10 спортчудан, кыз-келиндер күрөшүнөн 8 балбан кыз катышат.
КТРК-Спорт каналынын продюсери Шайырбек Арапов билдиргендей, аталган канал Азия биринчилигин түз эфирде көрсөтөт.
«UWW уюмунун лицензиясынын негизинде Кыргызстандын аймагында күрөш боюнча Азия чемпионатын түз эфирде көрсөтүү боюнча эксклюзивдүү укукту КТРК-Спорт телеканалы алды», — дейт ал.
Биздин Телеграм каналга катталыңыз
