Коопсуздук курун тагынбай, баласын тизесине олтургузуп, унаа айдаган Айгерим аттуу келин изделүүдө. Анын видеосу социалдык тармакка жарыяланды.
Ал жол эрежесин бузуу менен рул башкарган видеосун Instagram баракчасына жүктөп, катталуучуларына айдоочу күбөлүгү жоктугун айткан.
«МАИге кармалсам, дароо кайынагама чалам. Ошон үчүн Ошто тартынбай жүрөм. Азыр көбү машинаны таанып, тоспой калды. Болбосо 100 миңдей акча ошолорго кетмек», — дейт Айгерим.
Ош шаардык Ички иштер башкармалыгы жол эрежесин бузгандыгы үчүн айдоочуга тиешелүү чара көрүлөрүн жана анын кайынагасы ким экендиги дагы такталып жатканын кабарлады.
