Куудул жана ырчы Жакут Сыдыковдун бир тууган иниси Чыңгыз Сыдыков кырсыктап каза болду. Бул тууралуу Жакут Сыдыков өзү билдиргенин «super.kg» жазды.
«Жалгыз иним бар эле, ал үй-бүлөсү менен Нарында жашачу. Кечээ, 27-декабрда Бишкекте кырсыктап каза болду. Жүк ташуучу унаа айдап иштечү. Унааны токтотуп, дөңгөлөктүн алдына башын салып, тетиктерди карайын деп жатканда бир нерсе жарылып кетиптир. Алган жаракатынан улам дароо каза болуптур. Артында жубайы менен 5 баласы калды», — дейт Жакут мырза.
