Быйыл Кыргызстан 10 миллион туристти кабыл алууну пландап жатат. Бул тууралуу бүгүн, 16-майда Кыргызстан менен Монголиянын туристтик компаниялардын өкүлдөрүнүн B2B жолугушуусунда Туризм департаментинин башчысы Эрдэнэт Касымов билдирди.
Касымов белгилегендей, туризм тармагы өлкөнүн экономикасына зор салым кошуп келет.
«Биз саякатчылар үчүн ыңгайлуу шарттарды түзүү, туризм инфраструктурасын жакшыртуу боюнча иштерди жүргүзүп жатабыз.Буга байланыштуу быйыл 10 миллион туристти кабыл алууну пландап жатабыз», — деди Касымов.
