Барскоон айыл аймагынын №15 контурунда Барскоон суусунун Ысык-Көлгө кошулган куймасынын нугун мыйзамсыз өзгөртүп кеткен учур катталды. Бул тууралуу Жаратылыш ресурстары, экология жана техникалык көзөмөл министрлиги кабарлады.

Маалыматка ылайык:

• Бул аймак суу коргоочу зонага кирет жана аянты 1 600 чарчы метрди түзөт;
• Мыйзам бузуунун натыйжасында мамлекетке келтирилген зыян:
  Жер кыртышына келтирилген зыян: 1 568 980 сом;
• Жалпы зыяндын көлөмү: 2 510 083,36 сом.

“Бул факт жергиликтүү жана мамлекеттик органдар тарабынан катталып, тиешелүү чара көрүлүүдө”,-деп айтылат маалыматта.