2021-жылы январь-февраль айлары үчүн мамлекеттик карызды төлөөгө (тышкы + ички) Кыргызстандын республикалык бюджетинен 5 млрд 457,8 млн сом каражат жумшалды. Бул тууралуу «Акчабар» жазды.
Экономика жана финансы министрлиги билдиргендей, анын ичинен:
Мамлекеттик тышкы карызга – 3 млрд 049,4 млн сом;
Мамлекеттик ички карызга – 2 млрд 408,4 млн сом багытталды.
2021-жылы 31-январга карата мамлекеттик карыздын көлөмү (ички + тышкы) 4 млрд 954,11 млн АКШ долларын (420 108,67 млн сом) түздү.
Анын ичинен:
85,2%ы мамлекеттик тышкы карыз: 4 221,61 млн АКШ доллары (357 992,44 млн сом);
14,8%ы мамлекеттик ички карыз: 732,50 млн АКШ доллары (62 116,23 млн сом).
