Бүгүн, 2-июнда Билим берүү жана илим министрлиги менен Кембридж университетинин Европа жана Азия боюнча билим берүү реформасы департаментинин ортосунда өз ара түшүнүшүү жөнүндө Меморандумга кол коюлду. Бул тууралуу аталган министрликтен билдиришти.
Маалыматка караганда, меморандумга кол коюуга билим берүү жана илим министри Каныбек Иманалиев менен Кембридж университетинин Европа жана Азия боюнча билим берүү реформасы департаментинин башчысы Стив Кинг катышты.
Меморандумдун алкагында окуу китептерин улуттук окуу планына жана баалоого шайкеш келтирүү менен басып чыгаруу боюнча жумушчу топ түзүлүп, иштер жүргүзүлмөкчү.
Министр китептердин алгачкылары Ысык-Көл облусунда ачыла турган Президенттин IT-академиясында окутула баштарын белгиледи.
Биздин Телеграм каналга катталыңыз
