Министрлер кабинетинин төрагасынын орун басары Эдил Байсалов Google for Education компаниясынын өкүлдөрү менен жолугушуп, кыргыз мектептерин жана университеттерин санариптештирүү маселесин талкуулады.
Минкабдын басма сөз кызматы маалымдагандай, сүйлөшүүлөр 2023-жылы кол коюлган меморандумдун алкагында өттү. Талкуунун негизги темалары Google билим берүү куралдарын киргизүү, инфраструктураны модернизациялоо жана мугалимдерди окутуу болду.
Эдил Байсалов билим берүү тармагын трансформациялоо үчүн Google менен өнөктөштүктүн маанилүүлүгүн белгиледи. Өз кезегинде компаниянын өкүлдөрү белгиленген иш-чараларды ишке ашырууда колдоо көрсөтүүгө даяр экендиктерин билдиришти.
