Кыргызстан менен Россиянын коргоо министрлери Руслан Мукамбетов жана Андрей Белоусов 2-апрелде Москвада сүйлөшүүлөрдү өткөрүштү.

«Биздин акыркы жолугушуубуздан бери дүйнөдө бир да өлкөнү четте калтырбаган олуттуу өзгөрүүлөр болду. Бүгүн биздин эки тараптуу маселелерди талкуулоону сунуштайм», — деди Белоусов.

Россиянын аскердик мекемесинин башчысы Москва менен Бишкек биргелешкен ишти жолго коюп, максаттарды, ошондой эле аларга жетүү үчүн күчтөрдү жана каражаттарды аныкташы керектигин баса белгиледи.

Мукамбетов кесиптешине КМШга мүчө мамлекеттердин Коргоо министрлер кеңешинин кезектеги жыйынынын алкагындагы салттуу меймандостугу үчүн ыраазычылык билдирди.

«Биз Россия менен аскердик кызматташтыктын өнүгүү ыргагына канааттанабыз жана кыргыз-россия мамилелеринин бүтүндөй мезгилинде биргелешкен долбоорлор ийгиликтүү ишке ашырылып келе жаткан иштер үчүн ыраазычылык билдиребиз», — деп кошумчалады Мукамбетов.