Кыргызстандын Министрлер Кабинети Евразия экономикалык биримдигинин (ЕАЭБ) чегинен тышкары мунай продуктуларын экспорттоого колдонуудагы чектөөлөргө өзгөртүүлөрдү киргизүү тууралуу токтомду бекитти. Документке ылайык, «Чайна Петроль Компани Джунда» ишканасы ЕАЭБге кирбеген өлкөлөргө К-2 классындагы дизель майын, ошондой эле АИ-80 жана АИ-92 маркасындагы бензинди чыгаруу укугун алды.

Буга чейин, 2021-жылдын мартынан тартып, республикада мунайды жана мунай продуктуларын ЕАЭБдин бажы аймагынан тышкары чыгарууга толук тыюу салынган болчу. Жаңы чечим аталган ишкана үчүн өзгөчө шарт түзүп, белгиленген талаптар аткарылган учурда продукцияны үчүнчү өлкөлөрдүн базарларына жеткирүүгө жол ачат.