«Газпром Кыргызстан» ЖЧКсынын башкы директорунун экономика жана финансы боюнча орун басары Арзымат Алдаяров Чүй облусундагы мектептерди, ооруканаларды жана бала бакчаларды газга өткөрүү (газификациялоо) мүмкүнчүлүгү тууралуу билдирди.

Анын айтымында, компания Бишкек шаардык администрациясы менен биргеликте социалдык мекемелердин жылытуу тутумдарын заманбапташтыруу программасын жигердүү ишке ашырууда.

2023-жылдан бери билим берүү жана медициналык мекемелердин көмүр менен иштеген отканаларын газ отунуна өткөрүү ийгиликтүү ишке ашырылып келет.