Ош шаарында бейтаптан “Гонконг” (A H3N2) сасык тумоосу аныкталды.  Бул тууралуу Ооруларды алдын алуу жана мамлекеттик санитардык-эпидемиологиялык көзөмөл департаменти билдирди.

Бишкек шаарында азырынча бокавирус, РС вирусу, сезондук коронавирус, аденовирус жана метапневмовирус катталууда. 27-ноябрдан 3-декабрга чейин өлкөдө 5 миң 737 киши сасык тумоого чалдыкты.

Белгилей кетсек, AH3N2 вирусу Гонконг шаарында 1968 жылы катталган. Ал XX кылымдын 3-пандемиясы катары белгилүү.

Дарыгерлер анын тез жугуп, башка вирус менен бирге дагы жашай берерин белгилейт. Ал 65 жаштан ашкан адамдар жана 2 жашка чейинки балдар үчүн кооптуу.

Анын белгилери:

• Кургак жөтөл;
• дене табы көтөрүлөт;
• баш оору, алсыздык;
• мурун бүтөт;
• тамак кызарып, ачышат.

Биздин Телеграм каналга катталыңыз