2024-жылы Кыргызстанда 198,3 миң адам өтө жакырчылыкта жашаганы аныкталды. Бул көрсөткүч 2000-жылдагы 1,6 миллион адамга салыштырмалуу сегиз эсеге кыскарганын Улуттук статистикалык комитет маалымдады.

Ошол эле мезгилде 1,9 миллионго жакын жаран (калктын 25,7 пайызы) жакырчылыктын чегинде катталган.

Аймактык бөлүнүштө жакырчылык эң көп катталган жерлер:

• Жалал-Абад облусу — 447,2 миң адам
• Бишкек — 309,4 миң
• Ош облусу — 280,9 миң
• Баткен облусу — 261,7 миң
• Чүй облусу — 210,8 миң

Өтө аялуу топ катары балдар белгиленди. Өткөн жылы ар бир үчүнчү бала (33,1%) жакырчылыкта жашаган, алардын ичинен 112 миңден ашыгы (3,9%) өтө жакырчылыкта болгон.