Кыргызстандык спортчу Ринат Урматбек уулу кудо боюнча дүйнө чемпиону болду. Бул тууралуу kudo.kg мушташ өнөр мектеби Instagram’дагы баракчасында билдирди.

Белгилүү болгондой, мелдеш Япониянын Токио шаарында өтүп, ага Кыргызстандын атынан 4 спортчу катышкан. Алардын ичинен эки спортчу байге алган.

Ринат Урматбек уулу  (U19) 70 кг салмакта чемпион болсо, Нурсултан Батырбеков коло байгеге татыган.

Кудо – заманбап мушташ өнөрлөрүнүн бири. Ал 1981-жылы чыгыш мушташ өнөрүнүн чебери Адзума Такаси тарабынан негизделген. Кудо – карате (кёкусинкай), дзюдо жана тай боксунун ыкмаларын айкалыштырган спорт түрү.

Биздин Телеграм каналга катталыңыз