Бишкекте велосипед уурдоого шектүү кармалды. Бул тууралуу Ленин райондук милициясынан билдиришти.

Маалыматка караганда, 5-майда милицияга Н.Д. аттуу жаран кайрылып, 27-апрелде К. Тимирязев менен М.Фрунзе көчөлөрүнүн кесилишинде белгисиз адам баасы 20 миң сомдук TRINX үлгүсүндөгү велосипедин уурдап кеткенин билдирген.

Бул фактыга байланыштуу Кылмыш-жаза кодексинин 205-беренеси (уурдоо) боюнча кылмыш иши козголгон.

Ыкчам-тергөө иштеринин натыйжасында шектүү катары 20 жаштагы А.Н. аттуу жаран кармалып, убактылуу кармоочу жайга камакка алынган.

Учурда шектүүнүн башка ушул сыкятуу кылмыштарга катыштыгы текшерилүүдө.

Милиция шектүүнүн кылмыштуу аракеттеринен жабыр тарткан жарандар болсо, 0779 043 407 же 102 номерине кабар берүүсүн суранат.

Биздин Телеграм каналга катталыңыз