27-июнда «Түндүк» мамлекеттик мекемесинде Кыргызстандын жарандарына сот аткаруучулар аркылуу онлайн режиминде карызын текшерүү мүмкүнчүлүгүн бере турган кызматтын бет ачары болуп өттү. Бул тууралуу Санариптик өнүктүрүү министрлиги билдирди.
Кызмат электрондук кызматтардын мамлекеттик порталынын бардык колдонуучулары үчүн жеткиликтүү. Текшерүүдө жана эгерде карызы бар болсо, анда аткаруу ишинин номери, иш турган жердеги аткаруу кызматынын (БИС) бөлүмдөрүнүн аталышы жана БПСтин дареги көрсөтүлөт.
Бет ачардын жүрүшүндө санариптик өнүктүрүү министри Талантбек Иманов ыйгарым укуктуу колдонуучулар дагы аткаруу ишинин номери жана сот аткаруучунун телефон номери менен тааныша аларын айтты.
«Мамлекеттик порталда кызмат көрсөтүүлөрдүн жана кызматтардын спектрин кеңейтүү жарандардын кагаз түрүндөгү справкаларды жана документтерди алуу убактысын жана чыгымдарын алып салууга алып келет. Үйдөн чыкпастан жана дүйнөнүн каалаган жеринде болбостон, электрондук кызматтардын бирдиктүү порталында бардык маанилүү социалдык мамилелерди ишке ашырууга мүмкүнчүлүк түзүлөт«, — деп кошумчалады Талантбек Иманов.
