Ысык-Көл облусунун Ак-Суу районунда жаңы туристтик комплекс — “Ала-Тоо Резорт” курортунун курулуш иштери башталды. Бул тууралуу Курулуш жана архитектура министрлиги билдирди.

Маалыматка ылайык, учурда курорт аймагында узундугу 4 чакырым болгон асма жол (канат жол) курулууда. Комплекстин 3D эскизи даярдалып, 3, 4 жана 5 жылдыздуу мейманканалардын долбоорлору иштелип чыккан.

“Министрликтин билдирүүсүнө караганда, курорт жылына 2 миллионго чейин турист кабыл ала алат”,-деп айтылат маалыматта.