Бүгүн, 20-октябрда, өлкө боюнча бардык шайлоо тилкелеринде тесттик добуш берүү өтүп жатат. Бул тууралуу Борбордук шайлоо комиссиясынан билдиришти.

Мындан тышкары, Бишкек шаарында үч аралыктан добуш берүү тилкеси ачылды — алар «Дордой» базарында (Алкан базары), «Азия Моллдо» жана «Дордой Плазада» жайгашкан.

БШК шайлоо процессинин бардык катышуучуларын тесттик добуш берүүгө катышууга чакырып, жарандар каалаган тилкеге келип жаңы системаны жеке сынап көрө алышарын белгиледи.

Эске салсак, тесттик аралыктан добуш берүүнүн биринчи этабы 10-октябрда өткөн. Кийинки этап 30-октябрда өткөрүлөт.