2025-жылдын 11 айында өлкөгө акча которуулардын көлөмү өткөн жылдын ушул мезгилине салыштырмалуу 17,2%га көбөйдү. Мындай маалыматты Евразия өнүктүрүү банкы өзүнүн жумалык макроэкономикалык серебинде келтирди.

Банктын аналитиктери оң динамиканы биринчи кезекте Орусия Федерациясынан келип түшүүлөрдүн өсүшү менен байланыштырышат, алар жылдык эсепте 16,7%га көбөйгөн.

Доллардык туюнтууда өсүштүн негизги драйвери болуп орус рублинин курсунун АКШ долларына карата 2024-жылдын орточо көрсөткүчтөрүнө салыштырмалуу 10,6%га бекемделиши саналат. Ошол эле учурда кыргыз сомунун долларга карата курсу туруктуу бойдон калып, 2024–2025-жылдар ичинде бирдиги 87 сом чегинде сакталып турган.

Эмгек мигранттарынан каржылык келип түшүүлөрдүн көлөмүнүн көбөйүшү республикада ички керектөөчүлүк суроо-талаптын кеңейишине шарт түздү. ЕАӨБдүн маалыматы боюнча, бул ички соода көрсөткүчтөрүнүн өсүшүнө алып келип, 2025-жылдын январь–ноябрь айларынын жыйынтыгы менен жылдык эсепте 9,5%ды түзгөн. Валюталык каражаттардын туруктуу агымы өлкөнүн экономикасына олуттуу колдоо көрсөтүүнү жана тейлөө секторундагы активдүүлүктү стимулдаштырууну улантууда.