Президент Садыр Жапаровдун демилгеси менен “Манас” эл аралык аэропорту биринчи жолу өз эсебинен эки учак сатып алды. Бул тууралуу “Манас” аэропортунан билдиришти.
Маалыматка караганда, Dash-8-400 үлгүсүндөгү учак келишимине расмий кол коюу аземи 10-сентябрда Брюсселде Канаданын De Haviland Aircraft өндүрүүчү компаниясы менен болду.
“Бул келишимге кол коюуга «МАМ» ААК башкармалыгынын төрагасы Манасбек Самидинов катышты. Бул келишим аэропорттун жетекчилигинин чечкиндүү аракеттеринин аркасында ишке ашты. Бул учактарды алуу Кыргызстандын жарандык авиациясын өнүктүрүүнүн негизги кадамы болуп, ички каттам түйүндөрүн кеңейтүүгө жана камтууга жана өлкөнүн ичинде калкты авиациялык тейлөөнүн деңгээлин жогорулатууга мүмкүндүк берет”, — деп айтылат маалыматта.
Канадалык De Haviland Aircraft эки учакты келерки жылдын май айында жеткирет. Бул мезгил аралыгында Кыргызстандын мыйзамдарын эске алуу менен жана Кыргызстандын жарандык авиациясынын талаптарына ылайык аларды өзгөртүү боюнча иштер жүргүзүлөт.
Учактарды алуу менен «МАМ» ААК социалдык көйгөйлөрдү чечүүгө багытталган, алардын ичинен ички каттамдардагы авиабилеттердин жеткиликтүүлүгүнө жана баасына байланыштуу маселелерге артыкчылык берилет.
Биздин Телеграм каналга катталыңыз
