Бишкектеги “Манас” эл аралык аэропортунда терминалдын аянтын 18 000 чарчы метрге кеңейтүү боюнча курулуш иштери башталды. Бул тууралуу “Кыргызстан аэропорттору” ААК маалымдады.
Жаңы курулуп жаткан комплекс заманбап технологиялар менен жабдылып, жүргүнчүлөр жана авиакомпаниялар үчүн бир топ ыңгайлуу шарттарды түзөт.
Жаңы терминалда каралган шарттар:
- кенен күтүү залдары,
- кеңейтилген каттоо зонасы,
- жакшыртылган коопсуздук системасы,
- эс алуу зоналары,
- ички жана эл аралык каттамдар үчүн заманбап инфраструктура.
Мекеменин маалыматына ылайык, бул долбоор эл аралык стандарттарга жооп берген авиациялык мейкиндикти түзүүгө багытталган.
