Жогорку Кеңешке «Келечек үчүн билим берүү» долбоорун кошумча каржылоо боюнча Эл аралык өнүктүрүү ассоциациясы менен түзүлгөн макулдашууну ратификациялоо тууралуу мыйзам долбоору түштү. Жалпы сумма 6,36 млн долларды түзөт: анын ичинен 4,36 млн доллар — кредит, 2 млн доллар — грант. Документтер 2025-жылдын 14-октябрында Вашингтон шаарында кол коюлган.

Негиздеме маалымкатка ылайык, кредит 50 жылга берилет, анын алгачкы 10 жылы жеңилдетилген мөөнөт болуп саналат. Пайыздык чен — 0%. Негизги төлөмдөр 11-жылдан тарта аз өлчөмдө башталат.

Бул каражаттарга:
— Жаңы бала бакчалар ачылат — 9 имарат (анын ичинде кайтарылган бала бакчалар жана башка объекттер) оңдолуп, толук күндүк топтор уюштурулат.

— Орундар көбөйтүлөт — иштеп жаткан бала бакчаларда 128 бөлмө кайра жабдылып, кошумча топтор ачылат.

— ГЧПнын пилоттук модели ишке кирет — ваучердик система сыноодон өткөрүлөт. Ага ылайык, мамлекет жеке бала бакчалардын кызматын жарым-жартылай төлөйт. Бул жаңы орундардын көбөйүшүн тездетет.

— Адистер окутулат — дээрлик 400 адам үчүн тренингдер өткөрүлөт. Алардын ичинде тарбиячылар жана мектепке чейинки билим берүү тармагында иштөөнү каалаган аял-ишкерлер