«Мейкин» сыйлыгы: Президент 10 журналистке 1 млн сомдон тапшырды

Президент Садыр Жапаров бүгүн, 17-декабрда журналистика жаатындагы «Мейкин» сыйлыгынын жеңүүчүлөрүнө 1 млн сомдон тапшырды.

Акчалай сыйлыкты сынакка катышкан журналисттердин арасынан жеңүүчү атанган 10 киши алды. Сынактын жалпы байге фонду 10 млн сом болду.

Иш-чара борбор калаадагы Опера жана балет театрында өттү.

1 млн сомдон уткан журналисттер:

1. «Бир эл – бир түндүк» номинациясы – УТРКнын кабарчысы Айсулуу Асанбекова;
2. «Керемет Кыргызстан» номинациясы – ЭлТРдин кызматкери Аскар Маратов;
3. «Салык – өнүгүүгө салым» номинациясы – «Акчабар» каржы порталынын башкы редактору Мария Индина;
4. «Билим – келечек» номинациясы – «Кутбилим» гезитинин редакциясы;
5.  «Куттуу элет» номинациясы – УТРК Ысык-Көл телеканалынын кабарчысы Гүлбарчын Молдоева;
6. «Мекен жана мен» номинациясы – «Мир» телеканалынын кабарчысы Аида Аматбекова;
7. «Мекендештер» номинациясы – Ютуб блогер Дооронбек Адаханов;
8. «Кыргызстанда иштеп чыгарылган» номинациясы – ЭлТРдин кабарчысы Рахат Кыдыртокоева;
9. «Сергек жашоо» номинациясы – «Спутник Кыргызстан» маалымат агенттигинин жетекчиси Елена Череменина;
10. «Таза Мекен» номинациясы – эркин журналист Улан Эшматов.