Бишкекте Милициянын кайгуул кызматы адашып кеткен кичинекей кыз атасына жеткирилгенин кабарлады.
Маалыматка ылайык, 20-апрелде саат 18:00дөр чамасында Бишкек ШИИББинин “102” кызматына Дордой 2 көчөсүндө кичинекей кыз адашып жүрөт деген маалымат келип түшкөн.
Айтылган дарекке ошол замат милициянын кайгуул кызматкерлери барып маалыматты тактаганда, 4 жаштага кыз адашып 192 маршурттук каттамдын соңку аялдамасында жүргөндүгүн, көргөндөр «102» кызматына кабарлаганы белгилүү болгон.
Милиция кызматкерлери кыздын жашаган дарегин аныктап, көп узабай атасын таап, сак-саламат жеткирип беришкен.
