Нарындын Ак-Талаа районунда акча опузалоого шектелген жаран кармалды. Бул тууралуу облустук милициядан билдиришти.
Маалыматка караганда, милицияга Ак-Талаа районунун тургуну кайрылган. Ал билдиргендей, 17-октябрда болжол менен 16:30да А. аттуу жаран эч себепсиз сабап, ур-токмокко алып, ал иштеткен ашканага келип, ай сайын 7-8 миң сомдон берип турасын деп акча опузалаган.
Аталган фактыга байланыштуу Кылмыш-жаза кодексинин 208-беренесинин 4-бөлүгүнүн 2 пункту (Опузалап акча талап кылуу) боюнча кылмыш иши козголгон.
Ыкчма-тергөө иштеринин натыйжасында шектүү катары 46 жаштагы А.К. аттуу жаран (каймана аты «Жамбаш») кармалып, тергөө кызматына жеткирилген.
Соттун чечими менен ал 1 айга тергөө абагына камакка алынган.
Учурда тергөө иштери уланууда.
Биздин Телеграм каналга катталыңыз
