Ноябрь айында кыргызстандыктар 4 күн катары менен эс алат. Бул тууралуу Эмгек, социалдык камсыздоо жана миграция министрлиги билдирди.
Министрликтен белгилешкендей, беш күндүк график менен иштеген жарандар 7нен 10-ноябрга чейин эс ала алышат. 7-8-ноябрь – Тарых жана ата-бабаларды эскерүү күнү болгондуктан, эс алуу күнү болуп саналат. Аталган күндөр төртүнчү жана бешинчи күнгө туура келет. Андан кийин эки дем алыш күнү бар. Ошентип жарандар 4 күн катары менен эс алат.
