Жогорку Кеңештин мурдагы депутаты Шайлообек Атазовго мыйзамсыз берилген жер мамлекетке кайтарылды. Бул тууралуу Айыл чарба министрлиги билдирди.

Министрликтин маалыматы боюнча, Шайлообек Атазов 2002-2015-жылдары бокс боюнча спорт комитетинин машыктыруучусу болуп иштеген. 2009-жылы ага Оштогу А. Сүйүнбаев атандагы стадиондун 84 чарчы метр жери мыйзамсыз берилген.

Жерди кайтаруу үчүн министрлик облустук сотко кайрылып, жыйынтыгында 25-сентябрда сот 84 чарчы метр жерди стадиондун карамагына кайтаруу тууралуу чечим чыгарган.