Эркин күрөш боюнча балбан Бекзат Алмаз уулу Париждеги Олимпиада оюндарынын коло байгеси үчүн ат салышат.
57 кг салмакта күрөшкөн Алмаз уулу кечээ, 8-августта таймашка чыккан. 1/8 финалдагы биринчи беттешинде казакстандык Мейрамбек Картбайды 4:1 эсебинде уткан. Бирок чейрек финалда америкалык Спенсер Лиге 2:12 эсебинде жеңилген.
Спенсер Ли финалга чыккандыктан, Бекзат Алмаз уулу көңүл жубатуучу беттеште таймашка түшүп, коло үчүн таймашты улантууга мүмкүндүк алды.
Бүгүн, 9-августта өтө турган көңүл жубатуучу кармашта ал кытайлык Ванхао Цзоу менен күч сынашат. Эгер аны жеңсе, үчүнчү орун үчүн күрөшөт.
